الثلاثاء، 29 أبريل 2008

تاجين وعوده

اولا انا بعتذر لكل اللي غبت عنهم بس الظروف صعبة جدا في الشغل اليومين دول
عموما انا رجعت وكفاصل بين البوستات السابقة والجاية هنجاوب على التاجين دول:
لو سألك غير مسلم عن نبى الاسلام بماذا تجيبه فى سطور؟

هو سيدي وحبيبي
هو قائدي وقدوتي
هو الرحمه المهداه التي لا تعرفونها
لا تقرا عنه من كتب المسلمين ولا المستشرقين
حاول ان تتعرف على سيدي وسيدك وسيد العالمين
في قلوب المسلمين لا كتبهم



أتيحت لك الفرصة لرؤية رسول الله أى الآماكن تريد أن تقابله فيه؟

هذا سؤال لا جواب له ليتني اراه في أي مكان واي زمان
صحوا او في المنام

وماذا ستقول له ؟


لن اتكلم في حضره سيدي وحبيبي سأسمع فقط والخجل يكسوني من حالي وحال المسلمين


أذكر مقولة قالها النبى صلى الله عليه وسلم وكنت تتمنى أن يقولها لك ؟

قالها سيدي لسعد بن ابي وقاص يوم احد ( ارم فداك ابي وامي ) ليتني كنت هناك الى جواره

كيف تعرفت على سيرة سيدنا محمد عليه الصلاة والسلام ؟


من يوم ان وعيت في هذه الدنيا وانا اسمع سيرته العطره ...وعندما ادركت قرات تقريبا اغلب ما كتب عنه

ولكنني عشقت فقة السيرة للغزالي

و سيره بن هشام

أذكر خلق من أخلاق النبى صلى الله عليه وسلم واستشهد بموقف؟

ومن انا حتى افعل ذلك
لقد كان خلقة القرأن وكان على خلق عظيم





هل هناك لرسول الله صلى الله عليه تأثير على شخصيتك أو حياتك أو بيتك ؟ اذا كانت الاجابة بنعم فاذكر مثالا واحدا لكل منهم

ازعم ان نعم ولكن لا يمكن ان امدح نفسي بالامثلة وان كنت اتمنى ان اتشبة بة صلى الله علية وسلم في صبره على البلاء


الى من تمرر هذا التاج؟

هذا تاج لا يمرر فمن رغب فهو له


التاج الثاني

عشر حاجات عن نفسي

صعبة اوي دي

بس نقول وربنا يستر ويرزقنا الصدق!!!!!


1- طيب وودود جدا و متصالح جدا مع نفسي ومع الدنيا ومتفاءل بس القلق صاحبي اللي مبيفارقنيش
2- محظوظ جدا عندي احلى اولاد في الدنيا واعظم زوجة بحبها وبتحبني واعظم اب وام
3- بشتغل في مهنه بعشقها ومحترف فيها و ناجح والحمد لله
4- بحب الاكل المحترم ( لحوم طيور دواجن طواجن محاشي ) بس مش طخين بحب الشطرنج والاهلي والمصري قعدتي مع صحابي عندي بالدنيا وكمان بحب السينما جدا بس عشقي الاكبر في القراءه
5- عنيد ومتمسك جدا بكرامتي ومجادل ومكابر احيانا وبيقولوا عليا مغرور و"تنك" بس انا والله متواضع جدا ومش مغرور بس يمكن شكلي كده بس اصحابي عارفني كويس
6- معنديش ذكاء اجتماعي وكتييير بلبخ الدنيا في بعضها رغم اني مش دايما صريح بس بحب الحق
7- مش ممكن حد يعرف انا بفكر في ايه ولا بخطط لايه خصوصا في الشغل
واسرا رالشغل واخباره مدفونه في بير عميق لكن في البيت مهما احاول ام الولاد بتقدر تعرف كل حاجة!!!!
8- ايدي مخرومه ومسرف جدا بس الحمد لله ربنا بيستر
9- مش كريم ومش بخيل .... لا لا.... والله كريم !!!!!
10- نفسي يسبوني احكم مصر 10 سنين ولو فشلت مش هجدد!!! بس نفسي انفذ احلامي
خمسه امرر التاج ليهم
معرفش حد لسه مجاوبش التاج ده
بس الي يعلق علية ياخده
الى اللقاء قريبا في حكايات جديدة