لحظة تحول

خرجت من الحمام...
بدون شعور فردت سجادة الصلاة...
قبل ما اكبر سرحت....
هقول لربنا اية وانا ساجد.....
هطلب الستر والصحة برضو.....؟؟؟؟!!!!
هطلب التوفيق...؟؟؟!!!!!
· التوفيق في التلفيق......مش كده
الفيلسوف طبعا هو اللي دخل دلوقتي!!!!
التوفيق في الفويت والتمرير والتبرير!!!!!
انا ...انا وحش كده........
وحش...!!!! طبعا ..يابني المرتشي والحرامي دول لنفسهم ومعروفين....
لكن انت المحلل..... محامي الشيطان...
انت اللي بتمرر وتساعد وقدام الناس ملاك
عمرك ماكنت صاحب اراده...
مين قال كده

دا صاحب اراده واراده واراده
مبسوط بالفساد التافه اللي عايش فيه
جبان وفرحان بجبنه...
قبطان سفينه فساد تايهه لو ليها شط يمشي مع جبنه كان رسي من زمان
حراااااااااام المجنون هيموتني..
انا مش كده...
اسكت متبررش فكر وكون على الاقل صادق
هربت منهم ...حتى مصليتش ...ودخلت انام
ياه انا تعبان..........تعبان..........
الباب بيخبط
مين....
ابويا........اهلا يابا........
بس....بس.... ازاي
انا دفنتك من تلت سنين
ازاي
الله استاذ عبد الكريم كمان
ابله سامية......حنان!!!! انتي مش اتجوزتي وكمان مخلفة!!!
ايه انتو جايين تحاكموني
تحاسبوني!!
مع ان كل واحد فيكم حط بصمة...بنى طوبة

في معتقل الخوف والجبن اللي انا جواه
دي الحقيقه
محدش ابدا كان معايا
قوم اصحى فوق
انا فين؟؟؟؟؟
في البيت طبعا ....ايه؟؟؟ نفس الحلم؟؟؟
ايوه نفس الكابوس
كل مره اغرق وكل ما امد ايدي محدش يساعدني بالعكس
يغرقوني زياده.......
طيب ما تمدها لربنا.... وبجد.....قرب منه...واطلب يساعدك
صدقني هترتاح..
لو قربت من ربنا هرتاح!!!!
انا مكسوف اوي......خجلان...مقدرش...دا ..اصل انا....مش.......
متتكسفش ..متخافش توب وقرب...قرب متخافش
تفتكري ممكن..لقدر...اتوب؟؟!!!!!
انته عايز تتوب ولا دي لحظه وهتعدي؟؟؟؟؟ وترجع تغرق تاني...
مش عارف مش قادر ..انا خايف
ياريتك كنت بتخاف بجد ...ياريتك تخاف صح ..وبجد
خوف ايجابي مش سلبي....مش خوف التابع الفاسد...
لا خوف القوي
انالسه عندي امل فيك...
هو القوي يخاف...هو فيه خوف القوي؟؟!!!!
اكيد الخوف من الله ..الخوف من الله هو خوف الاقوياء
الخوف من الله هو الخوف الحقيقي الصح.....
هو الخوف اللي يخليك قوي..مش ضعيف...ايجابي مش سلبي
ولما تخاف من ربنا
لازم تترجم ده لفعل..لازم تترجمه لفعل
مره واحده جرب تخاف صح وترجم خوفك صح وصدقني مش هتندم.......
( يتبع)