رسالة اخيرة

نفق طويل.... طويل
ضلام في كل مكان....
صمت مرعب
ولا نقطه نور واحده في الاخر
برد
برد
برد حاد قوي
حر
حر
حر فظيع ...فظيع
حلقي جاف كده ليه
عيوني محجره...واقفه
صامته
مبتتحركش
كل حته فيا متغيره وبتوجعني...اوي
.............................................
مين اللي مرمي على الارض ده
ومين انا
انا مرمي على الارض كده؟؟؟
ليه؟؟؟؟
انا شايفني.....من فوقي
رغم العتمه والخوف
شايف كويس قوي
---------------------------------------

صوت زعبلاوي
بيزعق
ايه اللي عملتوه ده يا بهايم؟؟!!!!!!
انا قلت شويه كهربا...مش شوايه كهربا
موتوه....
بهايم.....
والعمل ايه يا باشا؟؟؟
هنعمل ايه يعني؟؟
بقف ومات
نعمله تشريفه ولا صوان؟؟!!!!!!!!
شوفوله أي شقه مشبوهه من بتوعنا
وارموه فيها!!!!!
وارمو معاه شويه حاجات كده!!!!
منشورات سياسيه يا فندم؟؟؟؟
لا يا متحف...سياسه.,..... سياسه ايه!!!
ده مدهول على عينه
حطو جنبه تشكيله كده
مخدرات ...حبوب هلوسه....فيلجرا....ملابس داخليه حريمي
يعني تشكيلتكوا بقى
المهم يظهر انه مات في السكه دي.......

----------------------------------------
نهار اسود موت وفضيحه؟؟؟؟
بس انا ممتش
انا سامعهم وشايفهم كمان
ازاي انا ميت وشايف وسامع!!!!!!!!
ازاي؟؟؟؟؟
-------------------------------
ايه الصوات ده
ست الناس بتصرخ....بتعيط ليه؟؟
ابني منهار
بنتي مغمى عليها
قومي حبيبي..قومي
تعالي ف حضني
تعالي هنا
ايه..ده
مش قادر اضمها
مش قادر احضنها
ولا قادر انادي على ابني
انا
انا
ميت
ميت
ميت
--------------------------------
يارب
يارب
يارحمن
يارحيم
ياحنان

يامنان
يارب رجعني
رجعني يارب
يوم
يوم واحد بس
احضنهم كلهم
ابوسهم
اقولهم بحبكم!!!!!
لا لا هقعد اصلي وادعي
واستغفر
اقولهم اسف وارجع الحرام...كل الحرام
يوم استغفرك فيه!!!!!
اروح احج
اصلي
طيب اطلع الزكاه
انا كنت ناوي ازكي والله
طب بلاش يوم

ساعه
ساعه يارب
رجعني ساعه
استغفر واصلي و.....
اتوووووووووووووووووب
طب دقيقة
دقيقة واحدة....
طب لحظة
اسبحك فيها
لحظة
اشكرك فيها
لحظة
طب تسبيحه..

ياندمي....
يا حسرتي
يا خوفي....
انا
انا اللي فرطت
انا اللي ضيعت وفسدت
ودلوقتي
مااملكش غير الحسره
غير الحسره
ياحسرتي


مين الراجل ده
بيقلعني ليه؟؟؟
انا معرفوش..
بيغسلني...
ليه
انا بتغسل
يارب اتطهر....
يارب الذنب يدوب
مين ده
اخويا واقف على غسلي
من سنين وانا مقاطعه
بيعيط
يارتني
ماقطعته
يارتني
ياندميييييييييييييي
ابني واقف كمان
منهار يا قلبي

قلبي!!!!!!
الاسود الجاحد
موجوع دلوقتي
بعد فوات الاوان!!!!!!!
يارب
انا
انا تبت قبل موتي
صح
صح
انا تبت
طيب حد يدعيلي
حد يدعيلي
وسامحوني
سامحوني
بتشيلوني ليه
بتشيلوني ليه
بيكفنوني
بيكفنوني
بيلفوني
ويحطوني في ايه......
صندوق خشب

بعد الحرير
كفن وخشب
فين
دنيتي
فين دنيتي
كانها لحظه عدت ومش هترجع
وده بس اللي باقي
كفن وخشبة


وشبح اسود كبير
واقف بعيد
مرعب مخيف
عملي الاسود
مفيش حوليا غير ضلام ضلام ضلام
-----------
شايلني ورايحين فين
ومين الناس اللي شايلني دي!!!
انا معرفهمش
لا لا بعضهم عارفهم
زعلانين عليا ولا مني!!!!
خايفين عليا ولا على نفسهم!!!!
ايه البعيد ده
قبري
قبري مفتوح
ومستنيني

يارب

طيب بالراحة
مستعجلين ليه
رجعوني
رجعوني

طيب متسيبونيش لوحدي حد يدخل معايا
حد ييجي معايا
متسيبونيش انا وعملي بس هنا
حد يستنى
معايا


طيب متمشوش بسرعه
استنوا شويه

متفكوش الكفن من على وشي
بالراحه عليا
سيبوني ملفوف احسن

خبوني
خبوني من عملي
انا
انا مكسوف من عملي
مكسوف وخايف

ندم
ندم
ندم
حسره
حسره
يارب
يارب
طيب ادعولي انتوا
ادعوا
كمان
ادعوا مرعووووب... انا
يارب
نفسي في فرصة تانية
فرصة واحدة بس
هكون كويس والله
بارب
كلمه استغفار واحده اقولها واموت

لا متقفلوش عليا
متفلوش قبري وتمشوا
ايه الضلام ده
ضلام
ضلام
ضلام

--------------------------------------

مهم جدا

البوست الجاي بقلم ست الناس