ياه .......
أخيرا.....
صباح الخير يا عم سيد
قهوتي بسرررررررررررررعه
وقول لسعاد تجيب البوسته
حاضر يا فندم
كل دي بوسنه يا سعاد؟؟؟
عمران( النائب بتاعي) مشفهاش ليه؟؟؟
يافندم هو قال انها مهمه ولازم حضرتك اللي تشوفها وتمضيها
طيب ....طيب روحي ولو سمحتي خليه يجيلي
حاضر
صحيح نسيت أعرفكم:
سعاد: سكرتيرتي إنسانة محترمة جدا وهايله في شغلها
رقيقة وجميلة........... أحيانا بحس أنها مخلوقة من جنس أخر غير جنس الإناث الموجود في المعتقل- قصدي البيت-
عمران: النائب بتاعي مقدرش اوصفه غير ان قلبه لون شعره _ اصفر مش اسود_ بس لازم تعد صوابعك بعد ما تسلم عليه
هو اقدم مني بس اختاروني انا كمدير مالي علشان اسباب كتير عرفتها بعد مااترقيت هتعرفوها بعدين
المهم دخل عمران بيه
اية يا باشا البوسته دي متعطله ليه
مش متعطله بس لازم انته اللي تشوفها وتوقع......
طيب طيب _ وسرحت شويه_
اكيد فيها لعبه من الاعيب عبد القوي بيه ( وكيل الوزاره)
الراجل ده حكايه كبيره عارف من اين تؤكل الكتف
استاذ قسم الرشوه في جامعه الفساد...رئيس اتحاد نقابات شيلني واشيلك
والعضو المنتدب لجمعيه المنتفعين بالفساد في بر مصر المحروسة
وهو اللي اختارني ؟؟؟؟ تصوروا
ليه اختارني
لاني شعاري في الحياه ماليش دعوه
صحيح الفيلسوف بيسخني احيانا
بس علطول اول ماخد على دماغي اكش ملك وارجع لقواعد المهادنه سالم
طب ليه ماختاروش عمران
لانه فاسد زيهم وممكن يقاسمهم بس انا بخاف وبكش عند اول مواجهه
وكمان همه مخليينه يخوفوني بيه ووقت اللزوم يصعدوه مكاني الموضوع كبير يا جماعه
ياسي عمران ده مطلوب فتح اعتماد علشان نستورد قطع غيار للمصنع اللي في الحوامديه!!!!
وايه المشكله؟؟؟
المصنع لسه جديد وماكيناته في الضمان!!!
والله عنك اعتراض روح لعبد القوي بيه
لا لا لا
غبد القوي بيه ايه بس انا هدرس الملف وطبعا هعتمده
مصلحه الشغل اهم برضه.... وخرج عمران وقفل الباب
ودخل الفيلسوف والمجنون مع بعض:
ايه اللي لمكوا على بعض؟؟؟؟
المجنون: مش كفايه كده
لالالالا بلاش كفاية والنبي!!!!!
المجنون: انته هتهرج
بلاش تهريج
الموضوع كده زاد عن حده
ازاي في ايه مالك
ضعفت وهنت في بيتك وسكتنا
شفت الفساد كل يوم قدامك وقولت ماليش دعوه وقولنا طالما مش فاسد خلاص
بس لحد كده بجد كفايه
ليه ايه الجديد

ماهي صفقه زي كل مره
وانا مش هاخد حاجه
ماهي المصيبه انك مش واخد حاجه
يعني اخد هه
تاخد ايه وزفت ايه
انت على طول كده مالكش راي وسلبي تماما لازم تعترض
لازم تصعد الموضوع واللي يحصل يحصل
وهنا تدخل الفيلسوف
اظن انت عارف كويس ان احنا بنحبك وخايفين عليك
انت مش فاسد من وجهه نظرك بس لكن في الحقيقه انتا فاسد
اكتر منهم على الاقل هما مستفيدين وعندهم مبرر
مش مقبول اه بس موجود
لكن انته مبررك ايه؟؟؟؟
خدت الكلمتين في جنابي وسكت وطول النهار وانا مخنوق
روحت البيت بدري
طول الطريق بفكر
دخلت البيت لقيت ابني الصغير 7 سنين بيصلي العصر
مع امه واخته جماعه
عامل عليهم امام
ياه تصورو من كذا شهر مصليتش
ومش فاكر اني عمري علمت ابني الصلاه
ولا هو سالني
واخته الكبيره مين علمها هي كمان
اكيد امهم
وانا انا كنت فين؟؟؟؟
ابني جه عليا وسالني صليت في الشغل يابابا؟!!!!
طبعا ياحبيبي( ست الناس اللي ردت مش انا)
ولفيت وقالتلي:
هيبقى قله صلى وكدب كمان ربنا يهديك!!!!!!!!!!
قلبي وجعني
دخلت اتوضى
مش قادر اقف بين ايدين ربنا
مكسوف اوي
اوي
لازم اتطهر صح
الوضوء مش كفايه
الوضوء مش كفاية!!!!!!!!!!!!
( يتبع .............)


ملحوظه هامه جدا:
بناء على تعليمات ست الكل الحقيقة يجب ان اؤكد ان الشخص اللي فوق مش انا والله انا مختلف خالص
تابعوا الحكاية وبعدين نتفاهم مين انا ....اوك