خربشات على جدار النفس

ليه انا هكتب
ولمين انا هكتب
كل ده بعدين
المهم في اللحظة دي اكتب
بس لازم تعرفوا مين فينا اللي هيكتب
اصل انا ثلاثة
اه والله ثلاثة
فية انا الانسان (ودة مش دايما صادق)
وفية انا الفيلسوف ( وده دايما لمض وعامل ابو العريف بس بجد هو كويس)
وفية انا المجنون ( وده مصيبة صريح وصادق هيوديني في داهية علشان كده ارجوكم تسامحوه)
الانسان هيكتب عني وعنكم
الفيلسوف كل شوية هينط يفقع تعليق او نظرية
اما المجنون
هيقول الحقيقة يس الحقيقة
علشان كده هخبي كل حاجة عني
وهداري شخصيتي
لاني
خايف خايف من الحقيقة